一年一度的母親節好快就到，以推廣手作為主打的Handsmore當然會鼓勵大家購買手作禮物俾媽媽啦~ 因為手作禮物先夠獨特同窩心嘛~ 在母親節前夕，我們特意在集作室增設母親節手作品寄賣區，令大家可以有更充裕時間選購獨特的母親節手作禮物。

對手作人來說，亦可以多一個展示產品的平台，方便客人看到實物並即時購買，交收更方便。

喺手作世界入面，想學新嘅手藝，除咗上堂之外，其實買本手作書返來自己跟住學都一樣做得到呢~ 而因為大部份手作書籍都會有圖片教學，所以即使不懂該書本嘅語言，基本上都會跟到學到的。

而今次我哋就跟住以下呢本日文參考書試做紙䕨藤籃。材料好簡單，就係紙藤一大卷。

由Handsmore及森匠木工室合辦嘅《字母電話座》工作坊已於剛過去的星期日(3月27日)順利完成。雖然大部份學生都係第一次接觸木工呢門工藝，不過個個喺導師嘅專業指導之下都成功做出好獨特嘅作品呢~ 

今次嘅工作坊用到好多木工嘅專業工具同機器。

萬眾期待嘅Handsmore集作室喺剛過去嘅星期六(3月19日)正式隆重開幕了。

開幕當日同時係我哋集作室嘅開放日，場面非常熱鬧。來賓們都好喜歡我哋呢個手作專屬空間，而我哋亦好榮幸可以得到好多手作人嘅認同，覺得我哋嘅空間真的可以幫到佢哋發展。

籌備多時的Handsmore集作室將於本週六(3月19日)隆重開幕啦～