手作新發現

$49買到3D打印機?

  • 發佈於: 15 April 2016
  • by admin

近日在書報攤見到有一本"我的3D列印機"雜誌,入面仲包含咗DIY嘅組件,透過利用隨書附送的組件,就可以組合出一台3D打印機出來。創刊號仲只係$49,係咪好吸引呢~

兩毛冷店月內搬遷結業

  • 發佈於: 19 February 2016
  • by admin

走在街上,能遇到手作材料店舖嘅機會愈來愈少。喺剛剛過完年不久,又收到有兩間毛冷店因搬遷或結業而在進行大減價嘅消息。

搬遷的正是於灣仔經營多年的姿釆毛冷。姿采毛冷位於軒尼詩道人流極旺的地段,就算搭叮叮經過,都可以見到佢哋間舖頭。不過好可惜,之後就唔可以咁輕易路過就見到佢哋喇!佢哋將會於本月尾結業、並於3月搬到後面街譚臣道的商廈內。唔知原本呢個舖位,之後係開藥房定金舖呢?

迷你織布機

  • 發佈於: 12 February 2016
  • by admin

早前行街時居然意外地發現有clover嘅迷你織布機賣,你知啦,香港地係好難會遇著有呢類產品賣架嘛。而以之前見過嘅織布機嚟計,呢部真係好的骰,好容易收藏。所以當然即刻入貨。

松山文創園區 x 誠品生活松菸店

  • 發佈於: 30 December 2015
  • by Kristin@Handsmore

如果喜愛手作的話,去到台北當然要去松山文創園區。因為誠品於2013年喺園區內開設咗誠品生活松菸店,而呢間誠品嘅二樓,係有好多手作課程可以參加。就算無時間學,都過去行個轉開下眼界~~

周末來到松山文創園區,入口處都有個小市集,當中有不少手作攤檔。

KnitPro 織針套裝

  • 發佈於: 26 December 2015
  • by admin

今年聖誕節,大家除咗為身邊嘅親朋好友預備聖誕禮物之外,有無同時為自己準備一份呢?而我就準備咗一套十分精美嘅織針套裝送俾自己。其實呢套針喺11月時已經訂咗,而剛剛喺聖誕節前終於到手。一直都想擁有一套齊全嘅織針套裝,不過以前細個會覺得太貴,唔捨得買。既然而家有能力,又咁啱俾我見到,當然要買啦 (女人要買嘢,總有理所當然嘅理由)~  套針真係好靚,拎上手之後就完全愛不釋手 ~~

Brooklyn Charm

  • 發佈於: 8 November 2015
  • by admin

喺日本迷失表參道時,居然俾我見到呢間賣飾物配件嘅舖頭。入面好多日本女仔喺度揀緊,我都好想揀埋一份架~ 不過霎時間唔知整乜好,所以入去混咗個吉就出返嚟了。入面真係好多款式可以揀架,裝潢佈置又靚喎。如果喺香港行行下街都可以見到間咁嘅舖頭就好喇~~

尖沙咀誠品

  • 發佈於: 28 October 2015
  • by admin

誠品今年10月喺尖沙咀開張之後,大家有無去過呢?如果大家想搵手工藝類嘅書藉的話,要去返誠品嘅下層 (尖沙咀店分兩層)。喺下層入口入到去後,往右邊方向行,到corner位再轉右,留意右手面嘅書架,就會見到兩個大書架放滿手工藝嘅書喇~

雖然無銅鑼灣誠品咁多,不過以香港嘅書局嚟計,真係好多喇~

Pages