喺日本迷失表參道時，居然俾我見到呢間賣飾物配件嘅舖頭。入面好多日本女仔喺度揀緊，我都好想揀埋一份架~ 不過霎時間唔知整乜好，所以入去混咗個吉就出返嚟了。入面真係好多款式可以揀架，裝潢佈置又靚喎。如果喺香港行行下街都可以見到間咁嘅舖頭就好喇~~

一直都有留意硬膠花癡嘅硬膠產品，因為真係好靚呀！之前去開市集時，都會成日去睇佢哋D產品。而喺某日當我如常睇facebook時，突然見到a nice place to同硬膠花癡開班嘅post。睇返個post announce 嘅時間～ 嘩，係啱啱出無幾耐咋，真係好好彩。我都估到會好快full, 所以一見個日子ok, 就喺無乜點諗嘅情況下就即時執咗名lu。結果真係如我所料，兩三個鐘左右就full晒! 證明我眼光幾好，HAHA

睇手作書時，發現有個串珠嘅工具叫bead loom。好想搵個嚟玩下，不過喺香港呢個地方，到底邊度先會有呢？諗諗下，玩具反斗城可能會有喎~ 無錯，係玩具反斗城~~ 因為外國嘅小朋友玩具，好多時都相當益智。呢類手作型嘅工具，被列為小朋友玩具亦非常常見。但可惜.... 去過搵.... 原來無.....