早前喺日本入咗好多手作包都未整，當中Avril 嘅毛冷/毛線手作包都有好幾個。其實個個都好靚，真係好想可以快D整晒佢哋出嚟： 

早前喺日本買咗一份價值680円(~HKD45)，由Hamanaka出嘅聖誕羊毛氈材料包。返到香港喺Jusco Living Plaza居然又俾我見到Daiso嘅聖誕羊毛氈材料包，見到咁平，唔理整唔整得晒都買晒先算喇 (唔知其他愛好做手作嘅人會唔會都好似我咁嘅呢)~~

喺日本迷失表參道時，居然俾我見到呢間賣飾物配件嘅舖頭。入面好多日本女仔喺度揀緊，我都好想揀埋一份架~ 不過霎時間唔知整乜好，所以入去混咗個吉就出返嚟了。入面真係好多款式可以揀架，裝潢佈置又靚喎。如果喺香港行行下街都可以見到間咁嘅舖頭就好喇~~