Handsmore成立於2014年，致力推廣手作文化，令香港人認識到更多元化的本地手作類型。繼推出網上手作平台後，Handsmore於2016年3月更進一步開設了實體手作空間 - 集作室，提供一個舒適環境給各手作喜愛者可以聚在一起學習與創作。我們期望透過互動，可以刺激更多的創意，為本地手作帶來更多新元素及更多好玩的新製作。

為期4日的香港冬季購物節今日正式開始，Handsmore今日就率先去到現場。Hall 1的頭兩行就係HCM的手作搖籃市集，手作相關嘅攤位主要集中喺嗰兩行。人流唔算多，可以輕輕鬆鬆咁睇。

一直都有留意硬膠花癡嘅硬膠產品，因為真係好靚呀！之前去開市集時，都會成日去睇佢哋D產品。而喺某日當我如常睇facebook時，突然見到a nice place to同硬膠花癡開班嘅post。睇返個post announce 嘅時間～ 嘩，係啱啱出無幾耐咋，真係好好彩。我都估到會好快full, 所以一見個日子ok, 就喺無乜點諗嘅情況下就即時執咗名lu。結果真係如我所料，兩三個鐘左右就full晒! 證明我眼光幾好，HAHA