喺剛過去嘅12月11日至13日，我哋好榮幸獲邀去到會展嘅第85屆香港婚紗展，舉辦了一連18場嘅「花樣戀人」小乾花束相架製作坊。

雖然好多情侶都係第一次一齊做手作仔，但每對情侶喺互相協助下，都好順利完成精美嘅乾花相架呢！製作過程中，見到大家互相幫助、互相俾意見、中間又不乏互窒一下對方，感覺真係好sweet呢~  好開心見到大家都好enjoy幾十分鐘嘅製作過程，及完成作品後嘅喜悅。

所以手作作品之所以特別，除咗獨一無二嘅作品之外，仲有製作時嘅每一段獨一無二嘅回憶。

最後，好多謝各位嘅參與，希望日後有機會再見到大家啦~~

回禮禮物 - 乾花相架