手作文章

兩毛冷店月內搬遷結業

  • 發佈於: 19 February 2016
  • by admin

走在街上,能遇到手作材料店舖嘅機會愈來愈少。喺剛剛過完年不久,又收到有兩間毛冷店因搬遷或結業而在進行大減價嘅消息。

搬遷的正是於灣仔經營多年的姿釆毛冷。姿采毛冷位於軒尼詩道人流極旺的地段,就算搭叮叮經過,都可以見到佢哋間舖頭。不過好可惜,之後就唔可以咁輕易路過就見到佢哋喇!佢哋將會於本月尾結業、並於3月搬到後面街譚臣道的商廈內。唔知原本呢個舖位,之後係開藥房定金舖呢?

迷你織布機

  • 發佈於: 12 February 2016
  • by admin

早前行街時居然意外地發現有clover嘅迷你織布機賣,你知啦,香港地係好難會遇著有呢類產品賣架嘛。而以之前見過嘅織布機嚟計,呢部真係好的骰,好容易收藏。所以當然即刻入貨。

MAJI MAJI集食行樂 平日的日與夜

  • 發佈於: 31 January 2016
  • by Kristin@Handsmore

去台北前做咗少少資料搜集,知道之前嘅花博園區,經庾澄慶哥哥有份規劃後變咗做一個集美食、市集、音樂、藝術等等於一身嘅空間,叫MAJI MAJI集食行樂。既然有市集,之前又未去過,睇相又好似幾靚咁,當然就加插咗入我今次嘅行程之中啦~

從圓山捷運站出來,步行唔使五分鐘,就會去到呢個見到大大隻字寫住MAJI MAJI集食行樂嘅入口位。

情人節保鮮花精選

  • 發佈於: 27 January 2016
  • by admin

情人節上班日子,人未到花先到係常識吧!但今年情人節係星期日咁點算好?唔送花又怕俾女朋友炸型,送花又怕要幫佢拎足全日遊街示眾。咁俾個貼士俾各位男士啦,今年多咗種花叫保鮮花,係加工咗可以保存到一至三年嘅真花,仲唔需要淋水打理。所以同鮮花唔同,而家已經可以入定貨,咁就唔需要等到情人節正日捱貴花! 而女朋友們又可以喺第二日返工時放返喺枱面威威,一舉兩得~~~

合製皮革玖瑰 共創窩心回憶

  • 發佈於: 26 January 2016
  • by admin

雖然近年皮革相當流行,不過一直唔想接觸住。因為又玩多範的話,又會忍唔住買好多材料工具返屋企,但屋企已經再無空間可以容納更多嘅手作用具。但之前無意中俾我喺LCM個Facebook Page度見到呢隻玖瑰手帶,靚到呢~~~  反正上堂又唔使自己買任何工具,所以無乜點考慮就報咗名lu~

Multi-tasking

  • 發佈於: 21 January 2016
  • by admin

到底一個人可以同時做幾多嘢?因為嚟緊Handsmore呢個平台將會實體化,而網上呢個platform又係剛剛起步,好多嘢要同時兼顧,所以真係超級忙碌!

網上平台:網站開發,網頁設計,站內文章,整理資料去寫文章,店舖資料收集、整理、入data,計劃宣傳......
實體店舖:選址,設計,裝修,添置傢俬,營運計劃,入貨,格價......

小改變・大改善

  • 發佈於: 12 January 2016
  • by admin

雖然Handsmore新版本已經推出咗,但唔知大家有無留意到,有D細位我哋仲不斷調整緊呢~ 

就好似首頁個箭咀咁,今日我哋就將佢改咗。呢個位其實想改好耐,咁大撻橙紅色都唔知想點咁,只係當初太多嘢要做,無可能一次過做晒。咁好多嘢就唯有等得閒D時,逐小逐小咁再改啦~ 

大家睇下,雖然只係改咗箭咀個樣,但感覺已經好唔同。

親手造的鞋子

  • 發佈於: 10 January 2016
  • by admin

喺今時今日嘅社會,相信大家會覺得做孩子會比造鞋子更加容易。當幾十蚊都可以買到一對鞋嘅時候,要花過千蚊去自己做一對出嚟,好似係一件好傻嘅事。不過難得有人願意去教,你想學又有機會去學,咁點解唔去學呢?唔通又要等到,教造鞋嘅不能再以教鞋為生,當無人再去教時先來齊齊緬懷過去?

Pages