Handsmore最新動態

小教室租用

  • 發佈於: 26 May 2016
  • by admin

想搵一個小教室開班上堂?為配合大家嘅需求,我哋終於千辛萬苦執返好間小房間,可以俾大家租用作小班教學喇~~
首20位租用仲可以以$80一小時就租用到添~

手作導師招募

  • 發佈於: 10 May 2016
  • by admin

Handsmore成立於2014年,致力推廣手作文化,令香港人認識到更多元化的本地手作類型。繼推出網上手作平台後,Handsmore於2016年3月更進一步開設了實體手作空間 - 集作室,提供一個舒適環境給各手作喜愛者可以聚在一起學習與創作。我們期望透過互動,可以刺激更多的創意,為本地手作帶來更多新元素及更多好玩的新製作。

5月份手作教學空間租用優惠

  • 發佈於: 25 April 2016
  • by admin

Handsmore發覺香港原來真係好缺乏地方去從事手作教學,自集作室開放以來,已經不斷收到查詢有關場地租用之事宜。

其實我哋真係好想喺能力範圍內,幫助到大家可以成功開班,所以我哋會不斷嘗試以唔同方式與組合去迎合大家需要。但求做到我哋有飯食,大家又有班開,咁我哋就最開心喇~~

嚟緊5月,我哋挑選咗3個星期日作重點優惠,希望可以幫助到各位成功開班。

母親節手作禮品寄賣招募

  • 發佈於: 18 April 2016
  • by admin

一年一度的母親節好快就到,以推廣手作為主打的Handsmore當然會鼓勵大家購買手作禮物俾媽媽啦~ 因為手作禮物先夠獨特同窩心嘛~ 在母親節前夕,我們特意在集作室增設母親節手作品寄賣區,令大家可以有更充裕時間選購獨特的母親節手作禮物。

對手作人來說,亦可以多一個展示產品的平台,方便客人看到實物並即時購買,交收更方便。

Handsmore集作室正式隆重開幕

  • 發佈於: 20 March 2016
  • by admin

萬眾期待嘅Handsmore集作室喺剛過去嘅星期六(3月19日)正式隆重開幕了。

開幕當日同時係我哋集作室嘅開放日,場面非常熱鬧。來賓們都好喜歡我哋呢個手作專屬空間,而我哋亦好榮幸可以得到好多手作人嘅認同,覺得我哋嘅空間真的可以幫到佢哋發展。

小改變・大改善

  • 發佈於: 12 January 2016
  • by admin

雖然Handsmore新版本已經推出咗,但唔知大家有無留意到,有D細位我哋仲不斷調整緊呢~ 

就好似首頁個箭咀咁,今日我哋就將佢改咗。呢個位其實想改好耐,咁大撻橙紅色都唔知想點咁,只係當初太多嘢要做,無可能一次過做晒。咁好多嘢就唯有等得閒D時,逐小逐小咁再改啦~ 

大家睇下,雖然只係改咗箭咀個樣,但感覺已經好唔同。

台灣體驗之旅

  • 發佈於: 22 December 2015
  • by Kristin@Handsmore

事源站長去台灣玩了一星期,親身去逛當地嘅市集同參與不同手作課程,體驗當地嘅手作文化。最初還會擔心自己超普通嘅普通話會同佢哋溝通唔到,不過原來我嘅普通話水平係可以溝通到個喎~ 雖然中間都可能會有溝通不良嘅地方,不過佢哋都好有耐性去讓對方明白大家想講啲乜。所以只要有心的話,溝通絕對不成問題。

Pages