合製皮革玖瑰 共創窩心回憶

分享:
  • 發佈於: 26 January 2016
  • by admin

雖然近年皮革相當流行,不過一直唔想接觸住。因為又玩多範的話,又會忍唔住買好多材料工具返屋企,但屋企已經再無空間可以容納更多嘅手作用具。但之前無意中俾我喺LCM個Facebook Page度見到呢隻玖瑰手帶,靚到呢~~~  反正上堂又唔使自己買任何工具,所以無乜點考慮就報咗名lu~

我就去整手帶,有人話一齊去整,整一支玖瑰俾我,所以就雙雙一齊去咗上堂喇!

揀完皮革嘅顏色之後,就要開始畫紙型。

畫完就當然剪出來啦~~

捲捲花瓣邊,再砌朵花出來。估唔到一個無做開手作嘅男人都砌到幾靚喎~

而如果有位置可以刻字的話,導師會提返我哋,等我哋喺組合前打好晒啲字。

整完朵花,就要整埋花嘅下半部份。

而另一邊廂,我條手帶都做得七七八八。手帶部份嘅花紋無諗過原來係咁整出來的,好得意~~~

呢兩件就係我哋完成嘅作品~~~

雖然送禮物有surprise好重要,不過可以親眼睇住伴侶好認真咁親手做一份禮物俾你,嗰份窩心,係當你每次見到份禮物,腦海中都會浮現佢認真製作嘅模樣。

所以今年情人節,大家都不仿同伴侶一齊去做下小手作,做完之後互贈對方作為情人節禮物。過程同成品都會成為既珍貴又獨一無二嘅回憶。

 

課程資料

品牌:LCM皮革工作室

課程:自訂課程,可從他們現有款式中挑選並查詢課程細節

 

分享: