手作癮

  • 發佈於: 17 October 2014
  • by admin

最近每一晚嘅指定動作就係拎住部notebook同埋一大堆參考書努力去整呢個網站。雖則我都係一個programmer, 不過而家我所用嘅技術同我平日所用開嘅完完全全係兩回事。要重頭學起,其實都辛苦架。而且學習嘅過程,其實都真係幾悶。雖然我都鍾意寫program,但都好怕同佢朝夕相對。同埋我習慣根據現有的再作修改,有得抄下。而家要由零開始,其實真係好痛苦。不過我真係好想好想見到我心目中嘅網站可以喺大家眼前出現。我真係好想可以透過我呢個網站,惠及到所以鍾意手作嘅人。而第一個受惠嘅當然係我自己啦,因為我自己真係覺得有需要先去整。

呢段默默耕耘嘅日子,因為怕時間上兼顧唔到,所以罕有地停晒所有手作班。而家喺我附近放滿晒我之前做手作嘅材料,但為咗個handsmore, 都忍咗手好耐喇!希望可以快D完成到個網站,然後可以繼續動手做我嘅手作啦~

分享: